پندي از مثنوي

****

دايمـــاً هــــر كــرّ اصلي گنــگ بود

ناطق آنكس شد كه از مادر شنود

****

مثنوي معنوي - دفتر چهارم ( ۳۰۳۹ )

به‌ هه‌ورامی 1

جیاوازی به‌ کار به‌رده‌ی ئی یه‌ره‌ که‌لیمه‌یه‌ چێشا ؟

 

په‌وده‌سه‌وه‌         چه‌وده‌سه‌وه‌         ئه‌وده‌سه‌وه

 

په‌وده‌سه‌وه‌ : چنارێو ئینا په‌وده‌سه‌وه‌ !

چه‌وده‌سه‌وه‌ : چنارێو ئینا چه‌وده‌سه‌وه‌ !

ئه‌وده‌سه‌وه‌: چنارێو ئینا ئه‌وده‌سه‌وه‌ !

 

به‌ هه‌وه‌وه‌نای ئا نموونا که‌ نویسێنێم چێش مه‌ینه‌ ویروو شمه‌ ؟

نودشه

اسامي ماه ها

بنا به درخواست يكي از خوانندگان وبلاگ :

فارسي	سۆرانی	هه‌ورامی
فروردين	خاکه‌لێوه‌	نه‌ورۆز
ارديبهشت	گوڵان	پاژه‌ره‌ژ
خرداد	جۆزه‌ردان	چێڵکڕ
تير	پووشپه‌ڕ	کۆپڕ
مرداد	گه‌لاوێژ	گه‌لاوێژ
شهريور	خه‌رمانان	ئاوه‌وه‌ره‌
مهر	ره‌زبه‌ر	ترازیێ
آبان	خه‌زه‌ڵوه‌ر	گه‌ڵاخه‌زان
آذر	سه‌رماوه‌ز	که‌ڵه‌هه‌رز
دي	به‌فرانبار	ئارگا
بهمن	رێبه‌ندان	رابڕان
اسفند	ره‌شه‌مه	سیاوکام

گلێره‌وه‌بیه‌ی فه‌رهه‌نگی جه‌ شاروو مه‌ریوانیه‌نه‌

رۆ په‌نجشه‌ممه‌ی 4 وو چێڵکڕوو 1391 ی رۆجیاری گلێره‌وه‌بیه‌یوی فه‌رهه‌نگی جه‌ گلێرگاو فه‌رهه‌نگی ئێداره‌و رانموونی شاروو مه‌ریوانیه‌نه‌ لوا راوه‌ . ئی گلێره‌وه‌بیه‌یه‌ که‌ به‌ ئه‌رکوو ئه‌نجۆمه‌نوو رۆجیاری و به‌ یاوه‌ری ئێداره‌و فه‌رهه‌نگ و رانموونی شاروو سه‌وڵاوای و به‌ به‌شداری شاعێرا و نویسه‌را و که‌سایه‌تیه‌ فه‌رهه‌نیاو هه‌ورامانی و کوردستانی که‌وته‌بێ را په‌ی قه‌درنیای و به‌رزگێرته‌ی هه‌رمانه‌ فه‌رهه‌نگیه‌کاو دوێ نویسه‌ر و  هۆرگێڵنه‌ر و په‌یجۆرکه‌رێ هه‌ورامانی ئاغایان ئه‌حمه‌د نه‌زیری و ئه‌حمه‌د مۆحه‌ممه‌دی رێک ڤزیابێ .

مه‌راسێمه‌که‌ جه‌ سه‌عاتۆ 9 سه‌رساحبی به‌ قساو ئاغه‌ی فیروز عارفی ده‌بیروو گلێره‌وه‌بیه‌که‌ی ده‌سش پنه‌ که‌رد . باسه‌که‌و ئاغه‌ی عارفی سه‌روو ئێژانه‌و ئی جۆر هه‌رمانا بێ و سه‌روو ئانه‌یه‌ که‌ چی مشیۆم ئێمه‌ تا ئا یاگێ که‌ پنه‌ما کریۆ قه‌دروو که‌سایه‌تیه‌ فرهه‌نگی و ئه‌ده‌بیه‌کاما گێرمێ . شۆنیشه‌ره‌ ئاغه‌ی سه‌مه‌دی ره‌ئیسوو ئێداره‌و فه‌رهه‌نگ و رانموونی سه‌وڵاوای خێرئامای مێمانه‌کاش که‌رد و  کاک ئاسۆ بۆکانی شێعرێش وه‌نێوه‌ و دماو ئاذێچیه‌ره‌ په‌نێلوو ئه‌وه‌ڵوو گلێره‌وه‌بیه‌که‌ی به‌ راوه‌به‌ری سه‌عدی نووری و به‌شداری ئه‌حمه‌د قازی و حه‌مه‌ڕه‌شید ئه‌مینی و سابیر عه‌زیزی لوا راوه‌ . ئه‌حمه‌د قازی و حه‌مه‌ڕه‌شید ئه‌مینی سه‌روو ئه‌همیه‌توو زوانی ئه‌ذایی و هه‌رمانه‌ گه‌وره‌کاو ئا دوه‌ نویسه‌راوه‌ باسشا که‌رد و سابیر عه‌زیزیچ جه‌ باره‌و نه‌سری هه‌ورامیه‌وه‌ وتاره‌که‌و وێش وه‌نشه‌وه‌.

په‌نێلی دوومه‌نه‌ به‌ راوه‌به‌ری هه‌ورامان به‌هرامی و به‌ به‌شداری سه‌یێد مۆعته‌سه‌م هاشمی و دۆکتر ئێبراهیمی و ره‌ئووف مه‌حموودپوور و سۆهه‌یلا مۆحه‌ممه‌دی سه‌روو ویه‌رین نویسی و ئێژانه‌و هه‌رمانکاو ئا دوه‌ نویسه‌ره‌یه‌ و هه‌رپاسه‌ هۆره‌وه‌گێڵنای باس کریا و مه‌تڵه‌ب وانیاوه‌.

دماو نیمه‌رۆیچ په‌نێلی یه‌رۆم به‌ به‌شداری ئه‌حمه‌د نه‌زیری و ئه‌حمه‌د مۆحه‌مه‌دی و ئه‌سعه‌د ئه‌رده‌ڵان و عه‌دنان زه‌بیحی لوا راوه‌ و سابیر سه‌عیدی و بۆرهان ئه‌خته‌ر شێعرێشا وه‌نێوه‌ و فیلمیویچ نمایێش دریا و جه‌ ئاخروو مه‌راسێمه‌که‌یچه‌وه‌ جه‌ برێو شه‌خسیه‌تیه‌ فه‌رهه‌نگیا ته‌قدیر کریا .

 

شۆنۆ ئانه‌یچه‌ره‌‌ بڕێو جه‌ به‌شداراو مه‌راسێمه‌که‌ی جه‌ په‌شتۆ ده‌گاو دزڵیێنه‌ هه‌رنیشتێوشا بی و چاگه‌یچه‌ سه‌روو نه‌سرنویسی به‌ زوانی هه‌ورامی  و راو یۆگێرته‌ی نویسه‌ره‌کا باس کریا.