هه‌واروو چه‌ما
دكلمه ی شعر :( چند ثانيه صبر كنيد تا فايل صوتي لود شود)
* * *
وه‌روو وێته‌ره واته‌بێت :
ـ من به‌‌رزه‌نا
رۆجياره‌نا
من مانگه‌نا
هـــه‌ساره‌نا
وه‌روو وێته‌ره واته‌بێت :
ـ كه‌ی په‌پوولێوی باڵ سۆته
متاڤۆ بياڤۆ به رۆجياری
كه‌ی مانگه به ناڵه‌و شه‌وێ
جه ئاسمانه‌وه مه‌ی واری. . .
ئه‌رێ
په‌پووله‌ی باڵ سۆته
مه‌تاڤۆ بیاڤۆ رۆجیاری
ئه‌رێ
مانگه‌یچ
په‌ی هيچ كه‌سی
هه‌رگیز نامه‌ينه‌ره واری
به‌ڵام ئازيز !
ئه‌ر من نه‌بوو
تۆ خوا وێت واچه من نه‌بوو
كێ متاڤۆ نامه وه‌شه‌كێت
كه‌رۆ تان و پۆ شێعره‌كاش
كێ متاڤۆ كۆچوو ويره كات
به‌رۆ هه‌واروو چه‌مه‌كاش
ئه‌ر من نه‌بوو
تۆ خوا وێت واچه من نه‌بوو
كێ بۆ به وه‌روو رۆجياريت
ديسان باڵێ به‌ركه‌رۆوه
كێ بۆ ، شه‌وێ
وێنه‌و مانگێت
وزۆ دلێ ئاڤۆ هه‌رسۆ چه‌ماش
تا بتاڤۆ شێعرێ واچۆوه
ئيسه‌يچ
ئه‌گه‌ر به‌ينه و په‌رسی
جه من
جه ئاوێ و هه‌واری
جه په‌پوولێوی بێ باڵی
جه شه‌پۆلۆ هه‌رسۆ چه‌مام
په‌رسی تان و پۆ شێعره‌كام
ئه‌گه‌ر په‌رسی
گردێما پێوه‌ره ماچمێ :
تۆ به‌رزه‌نی
رۆجياره‌نی
تۆ مانگه‌نی
هه‌ساره‌نی
* * *
پ.ن : اين شعر در تيرماه ۸۶ در همين وبلاگ منتشر شده
فهرههنگی - ئهدهبی