دنیا ده‌وران ده‌ورانا / فه‌تحوڵڵا ڕه‌زایی
دنیـــــــــا ده‌وران ده‌ورانا یۆ والــــی، یۆ وه‌یـــــــلانا
یۆ بێ یانــــه و ده‌ربه‌ده‌ر بێ سامان و سه‌وداسه‌ر
یۆ دایمه کیســـه‌ش په‌ڕا بێ ورکـــــه‌ن، دڵش ته‌ڕا
یۆ جـــل و به‌رگش تازه‌ن یۆ هـــــه‌تیم و بێ نــازه‌ن
یۆ تاج و ته‌خـــتش زه‌ڕین باڵاخــــــانه‌ش مه‌ڕمه‌ڕین
یۆ چه‌نی به‌ختێش گژیان سه‌ر وه‌نه‌شیــویا و دژیان
یۆ بێ ڕه‌حم و مــروه‌ته‌ن یۆ زاڵــــم و یۆ چــــــه‌ته‌ن
یۆ مه‌سا جه مه‌یخـــــانه یۆ ئینـــــــا کلیســــــــانه
یۆ مه‌ڵڵان و یۆ شێـــــــخا یۆ ئه‌میـــــــــــر و یۆ کێخا
یۆ مـــــــوریدا و یۆ مــوراد یۆ مه‌جنــوونا و یۆ فه‌رهاد
یۆ شـــــــه‌م و یۆ په‌روانه یۆ ده‌یری و یۆ دێــــــــوانه
یۆ غــــــــه‌ریب و خه‌مبارا دوورا جـــــــه دۆس و یارا
یۆ نۆنه‌مــــــــامی ساوان یۆ زه‌رده‌و ســــــه‌رکڵاوان
یۆ هه‌ســـاره‌ش بێ نوورا ئاسمانش هه‌وری سوورا
یۆ پله و پایــــه‌ش به‌رزه‌ن یۆ گێل و هـه‌ڵه و هه‌رزه‌ن
یۆ بلیمــــــــــــه‌ت و زانان یۆ فاتێ ســـــــــووره‌بانان
یۆ بازوو به‌رزه کـــــــــاوان یۆ قاڵاڤــــــوو چڵکــــــاوان
یۆ په‌ی خاکــــــوو وه‌ڵاتی گیانیش کــــــه‌رۆ خه‌ڵاتی
یۆ په‌ی سه‌روه‌ت و یانه‌ی بۆ نۆکـــــه‌روو بێگــــــانه‌ی
ئی بازاره هـــه‌رچی هه‌ن په‌ی که‌سی تا سه‌ر نیه‌ن
هــــــه‌تا دنیا دنیــــــــــانه بێ تان و پـــــۆن زه‌مـــانه
"ڕه‌زایی " هه‌ڵۆ هــه‌ردان مــــوریدوو پیروو مـــه‌ردان
فهرههنگی - ئهدهبی