واران

( ۲۶ئارگاو ۱۳۹۱) چە  ڕوێن

 (ڕۆ جە دەس دای نویسەروو ئەندیشمەندوو گەورەو هەورامانی، نەمر.محە مەد مستەفازادە.خەڵکوو شاروو نۆدشەی سەربە مەحاڵوو هەورامانی)

پەی ساڵیادوو کۆچوو نویسەروو گەورەو هەورامانی قەرار هەن هەر کەسێو جە ڕاوینوو وێشۆ  بابەتێو بە بۆنەو کۆچوو ئی ویربەرزیە بنویسۆ. بابەتەکە جە بارەو زوان و فەرهەنگوو هۆرامانی گێرە تا ڕۆڵوو  کاک محەمەدی دلێ پڕۆسەو جمنایرەو ڕۆشن گەری جە هۆرامانەنە متاوا بنویسا ،داواکەروو جە گردوو مسیارەکاو زوان هەورامی زانشتگا پەیام نوورو مەریوانی جە 25ئارگاو ئێساڵینە بە هەماهەنگی چنی شووراو ڕاوەبەری زوان هۆرامی پەیما هەن مەراسمێ سەروو گڵکۆ کاک محەمەد مستەفازادەیوە گێرمێ داوا کەروو جە نویسەر ،هۆنیار، پەیجۆرکارەکا زوانوو هەورامی پەی ئێحترام گێرتەی ڕاوینوو ئی بەشەریە کە ڕاوینوو گردیمانە  بابەتێو ی هۆرامی بە زوان هۆرامی بنویسا و جە پەلیانوو سایتەکانە وڵاوش کەراوە.

قرچەو دڵیم ئاوی گرینۆ. (پەی کۆچوو بێ واذەیت هەی ویربەرزی ئازاو  وژیر)

جە ڕۆ ۲۶ئارگاو۱۳۹۱ ڕۆجیاری جە زمسانی سخڵەتوو شوومینە جە مانگۆ ئارگاو هۆرەترشقانە جە سەرداو سۆڵمەو وەروو وارانی، تیرێوی شوومە ئۆ هەورامانیم تەقیا،

کێ لوێ خیاڵش  کێ  ویرش کەرێ کێ جورئەت کەرێ واچۆ ڕۆجیاروو زوانوو ژیوای کز بیەن کێ تاوێ واچۆ (نویسەری پایەبەرزوو  ئازا ویربەرزوو مەژگ ڕۆشن، ڕۆشنایی بە خشوو چەماو خەڵکوو هەورامانی  ئازاد واچوو هێزوو نەمەڕیاو هەورامانی، ڕۆشنگەروو ڕاو ئەرەتەمیای، هەست بەخشوو  کێبیەی، جە دەس ملۆ. وەختێ باس جە ئینسانی گۆرەی کەرمێ قەڵەم گێڕ گنۆ پیتێ سەروو کیبوردەکەی نمەتاوا هەستی بە ئاوەزوو ئینسانی گۆرەی نەقش کەرا، کێ هەن باوەڕ کەرۆ، هەورامان پەی یەک ساتی کزوو بێ دەنگ دنیا تەمیارە پەی کۆچوو، بێ وادەی.   وەختێ چنیش باس جە کێ بیەی هەورامانی کەرێنمێ هیچ دڵوو مەژگێوی ڕۆشنوو ساحیب هەڵوێس ئۆقرە نارێ، ئیمانێش بێ پسەو کوە سەرکەشەکاو شاهۆو کۆساڵانی، وەختێ باس جە کێ بیەی زوان و فەرهەنگیما کەرێ جە نووکوو پای تا تۆقوو سەرەیش ئێنە لەرزێ دەسێ فڕدی چوون کەس نەبێ دەرکش کەرۆ. ئاذ حەر جە زوو وە زانێ زوانش بیەن بە چیرفلەو ئەغیارا بیەن بە گاڵتەو ناسیۆناڵیستە شۆینیستەکا، تۆ لوای ئاوێت متە کە بە دەیان نەمامێ پاکوو بێ گەردێت شەتڵە نیێ. ئارۆ ئیسە پەی ساڵیادوو مەرگی بێ وێنەیت نەمامەکاو زوانوو ژیوایت ئامێنێ سەمەر راو ویرچەمی پاکوو بێ گەردیت گێرتەنشانە وەر ، ئارۆ جە هۆرامانەنە بە پەیلوو و یاوگەی پاکوو تۆ هەزاران رۆڵێ ئی مەحالیە لێرەسەختانە دەسشا کەردەن بە خزمەت بە ئینسانی هەورامی، ئارۆ جیاتی شینوو گرەوەی داروو گڵوو گوڵزار نەمامی نوێ هەورامی منیەیمێ. چوون ئینسانی گۆرە نمە بۆ  تازیەش پەی گێری بەڵکوو مشۆ ویری بە ئاوەز وئینسانیش بە چەمێو ڕۆشن دلێ خەڵکینە وڵاش کەری،  ئیمە جونوو مسیاروو نویسەرە بە ئاوەزەکاو هەورامانی ئێمە خەڵکوو هەورامانی ئارۆ بە ڕێبازوو پاک وویرچەمی ڕۆشن ویریت ئاڵاو قەڵەموو هۆرامانی یاونمێ بە یاوگە، ئارۆ ئینسانی هەورامی جە هەر یاگێ بۆ نویسەی بە زوانیش ئفتخاروو سەربەرزیو ونیشانێو زانۆ پەی سەرکۆتەی ویروو ئەندیشەکەیش، ئارۆ گرما بە یەک دەنگ ماچمێ هەنمێ ماچمێ هۆرامیێنمێ زوانوو فەرهەنگی وێپاما هەن، باوەڕما بە ئینسانیەتوو ئەندیشەی.

نویسەر: ژیار سڵامەتیان

22کەڵەهەرزوو1392ڕۆجیاری

مەریوان