تاقه دار
تاقه دار
مه‌نعه‌م که‌را . . .
لۆمه‌م که‌را . . .
ماچانێ : با که‌م شێعره‌کێت
په‌ڕێ با سۆزوو دڵداری
ماچا : دا که‌م ته‌شبی که‌ره
چه‌م و زوڵف و خه‌ت و خاڵش
به گۆڵاڵه‌که‌و وه‌هاری
وه‌سه‌ن وه‌س
که‌م که‌ره باسوو
گه‌ڵا مێوی و تاقه داری
مه‌نعه‌م که‌را . . .
لۆمه‌م که‌را . . .
به‌ڵام ئه‌گه‌ر ته‌نیا جارێو
وه‌هار نه‌بۆ
با پاییز بۆ
به‌یا و وینا تاقه دارێو
وه‌ختێو که گردوو داره‌کا
گه‌ڵاکه‌شا زه‌رد بی و رێزا
ته‌نیا هه‌ر ئادا که گه‌ڵاش
هه‌رگێز زه‌رد نه‌بی و نه‌رێزا
چوون ئا داره
جه زمسانێ
به وه‌روو عه‌شقوو تۆ سه‌وزا . . .
ئه‌گه‌ر وینا
که گه‌ڵا مێوه سه‌وزه‌کێ
ره‌نگۆ رۆخساریت گێرته‌شا و
سوور هۆرگێڵه و
بیێ به تاجۆ پۆپه‌و تفه‌کێ
قه‌تعه‌ن په‌رسا
چی مه‌رێزا ؟
مه‌نعه‌م که‌را . . .
لۆمه‌م که‌را . . .
شه‌رته بۆ ئێتر شێعره‌کێم
ده‌مشا بینیۆ و
هه‌رگێز نامۆ تۆ نه‌به‌را
به‌ڵام من وێم
هه‌ر سه‌وزه‌نا
پێسه سه‌وزایی داره‌که‌ی
هه‌ر سووره‌نا
ره‌نگه وه‌شه‌کۆ گه‌ڵاکه‌ی
عبدالله حبيبي
فهرههنگی - ئهدهبی