وه‌هار
ئانا ئامــــــــــــاوه دیسان نه‌و وه‌هـــــــار
ســـه‌وزه وه‌هـــــــــاره هۆرش دان ده‌وار
ئه‌و هــــه‌رکۆ مــــذیه‌ی خاڵ خاڵ دیاره‌ن
گـــــــوڵان به بۆشان ، مـــاچان وه‌هاره‌ن
دیسان ره‌نگین بی ده‌شت و که‌ش و کۆ
به‌رئاما شــــــه‌وبۆ ، چنــــــوور چه‌نی لۆ
چنــــــوور جه په‌ینی وه‌رواوی کــــۆسان
به بۆ دیـــــــــاره‌ن ، ئاذه‌ن به‌رئامــــــــان
ســــــووره هـــــــــه‌راڵه و هه‌راڵه بره‌مه
چه‌نی مــــــــــــاباقی جه‌معه‌شا جه‌مه
وه‌نه‌وشــــه‌ی وه‌ش بۆ به‌رئامـــان به ناز
چه‌نی عـــــــــــاشقان بیه‌ن به ده‌مساز
ســـــه‌رذای زمستان نه‌مـــه‌ن یه‌کجاری
به‌ساتش چنیـــــه‌ن فه‌سڵوو وه‌هـــــاری
بوڵبــــوڵ هه‌م دیسان که‌وت نه چڵه‌وچڵ
ئێنتێزاریشه‌ن کـــــه‌ی خۆنچه بۆ گــــــوڵ
شنــــــه‌ی نه‌سیمی ســـه‌حه‌رگا جه نۆ
ئارذش بۆی شــــــه‌وبۆ جه دامــــانی کۆ
ده‌سه به ده‌ســـــــه یاران جــــــه‌م بیه‌ن
نه گفت و گـــــۆشان ته‌نیا خــــــه‌م نیه‌ن
به‌ڵام په‌رێ من وه‌هـــــــار هه‌ر خـــه‌مه‌ن
ئۆردیبه‌هشتم ده‌یــــــه‌ن ، به‌همـــــه‌نه‌ن
سه‌رقــــــۆله‌ی شاذیم ته‌مه‌ن جه‌م بیه‌ن
حه‌ققه‌ن ئه‌ر واچــــــوون وه‌هـــــارم نیه‌ن
ئانه که شــــــاذه‌ن جه فه‌سڵی وه‌هــــار
ته‌نیا خه‌مێش هـــــه‌ن ، ئاذیچ خه‌می یار
من کــــــۆی خه‌مان بار ئێذ ســـه‌ربارمه‌ن
که‌ی واذه‌ی شــــاذی نه‌و وه‌هـــــــارمه‌ن
فهرههنگی - ئهدهبی