خۆ کافرستانی نیۆ
دڵبـــــــه‌ر دڵ ئه‌ستانای جه مـــــن شه‌رت ئی دڵستانی نیۆ
جـــــه‌ورش مهﮆه‌ی ، ره‌نجش مه‌که‌ر خۆ کافـــــــرستانی نیۆ
شـــــه‌رته‌ن بکێشـــــۆ دڵ جه‌فات ، با یادگار مانــــــۆ جه لات
تۆ بۆت نه دڵ خـــــه‌وفی خــــۆﮆات ، خۆ کافــــــــرستانی نیۆ
ئامــــام نه‌ڕات پی جــــه‌سته‌وه، گێره‌م سڵۆم چیت نه‌سته‌وه
پی حاڵی جــــه‌سته‌ی خــــه‌سته‌وه ، خۆ کافــــــرستانی نیۆ
هـــه‌ی نه‌ونه‌مامی باخی دڵ ، په‌ی تۆ سیان به‌یـــــداخی دڵ
سا مــه‌رهــــه‌مێ په‌ی داخـــــی دڵ ، خۆ کافـــــرستانی نیۆ
هه‌ی ره‌ندی تۆحفه‌ی نازه‌نین ، خاڵت جه عه‌نبه‌ر گۆڵ جه‌مین
سا مـــــه‌رهه‌مێ ده‌ر په‌ی برین ، خــــــــۆ کافـــــرستانی نیۆ
بیماروو تۆم حــــوور و په‌ری ، ئه‌ر خواهێشه‌ن ئه‌ر سه‌رسه‌ری
شه‌رته‌ن عـــــــه‌یاده‌تمان که‌ری ، خۆ کافـــــــــــــرستانی نیۆ
دا ده‌م په‌نه چڵێـــــو ریۆن ، قیمه‌تشه‌نه ســـــۆنه‌م گیـــــــۆن
چی مامـــــه‌ڵه مه‌گنـــــۆم زیــــــۆن ، خۆ کافـــــــرستانی نیۆ
وێڵ وێڵ مــــــه‌گێڵام کۆ به کۆ ، ده‌ردم گــــــــران بی رۆ به رۆ
سا حاڵــــــوو ده‌رﮆێم په‌رسه تۆ ، خۆ کافــــــــــــــرستانی نیۆ
ته‌رکـــــوو وه‌ڵاتیت که‌رده‌مـــــۆ ، ژاراوو دووریت وه‌رده‌مــــــــــۆ
په‌رسه به حاڵــــــــی ده‌رده‌مۆ ، خۆ کافــــــــــــــــرستانی نیۆ
عــــــۆریان و که‌ڵپۆس پۆشـــــــه‌نۆ ، شه‌یدا و بیابان گێلــــه‌نۆ
دا په‌رســــــــه په‌ی کێ وێڵـــــه‌نۆ ، خۆ کافـــــــــرستانی نیۆ
ئه‌ر شــــه‌رت و به‌ینت ویرته‌ن ، خـــــــــــه‌وفۆ خــــۆا و پیرته‌ن
بۆ لام ئه‌گـــــــه‌رچی دێــــــــرته‌ن ، خۆ کافــــــــــرستانی نیۆ
یام باره ته‌شــــــریف یانه‌مــــــــــــۆ ، یا دووره‌و په‌رسه حاڵمۆ
ته‌رسه هــــــــه‌ناسه‌ی کاڵمـــــــۆ ، خۆ کافـــــــــرستانی نیۆ
قه‌ومان و خوێشان، هامسه‌ران ، لۆمه و مه‌نامان چی که‌ران؟
خاســـــــــه‌ن ته‌ئه‌سۆفمان وه‌ران ، خۆ کافــــــــــرستانی نیۆ
صه‌یدی گـــــرانۆ ئه‌لوێداش ، هێجــران مهﮆۆ هه‌رده‌م جه‌فاش
هــــه‌ی په‌ی خــــوای به‌یدێ وه لاش ، خۆ کافــــرستانی نیۆ
***
صه‌یدی هه‌ورامی
فهرههنگی - ئهدهبی